Andres Urdaneta. Esploratzaile ausarta
Egilea: Mitxel Murua
Argitaletxea: Elkar
Ilustratzailea: Juan Carlos Nazabal / Imanol Zinkunegi Odriozola
Hainbat liburuxkaz eta DVD batez osatutako bildumaren bidez gaztetxoei, modu errazean, Gipuzkoako pertsonaia ospetsuei buruzko hainbat zertzelada eskaini nahi zaizkie. Kontakizun bakoitzean pertsonaia bakoitzaren bizitzako hainbat pasadizoren berri ematen da. Migelito azteken leinuko mutikoa agustindarren komentuan bizi zen Mexiko Hirian. 1568ko udaberriko arratsalde batez Andres Urdanetaren gelara joan zen bisitan. Hantxe kontatu zion Urdanetak bere bizitzaren berri: jaioterria, marinel-bizitza, egin zituen aurkikuntzak...