Okilen matraka
Egilea: Julian Gough
Argitaletxea: Ibaizabal
Ilustratzailea: Jim Field
Itzultzailea: Edu Zelaieta Anta
Gaia: Hartz eta untxi baten arteko adiskidetasuna. Girotzea: Baso bat, udaberrian. Bildumaren laburpena: Hartz eta Untxi lagun bitxiak dira. Ez dirudi ezer dutenik berdin; ordea, biek ikusiko dute elkarrekin daudenean bizitzan hobeto moldatzen direla. Laburpena: Untxi esnatu berri da, Hartzen koban negua eman ondoren. Bere gordelekura bueltatzean, Dortoka aurkitu du eta bertatik ateratzea lortzen du, oso astiro bada ere. Baina beste oztoporik ere aurkitzen du, udaberrian ere beste auzokide bat baitu basoan: okil berdea. Bere jarduera frenetikoa eta zuhaitzaren enborra zulatzean egiten duen zarata direla eta, Untxi urduri jartzen da eta Hartzengana doa, okil berdeari etengabeko mokokatzeari utzarazi diezaion. Badirudi Untxi edozergatik sumintzen dela, eta hala esan dio Hartzek. Hori dela eta, Untxik bere jarreraren gainean hausnartuko du, eta gertatzen zaiona beste modu batera ikusten eta basoko gainerako animaliekin harremanetan jartzeaz gozatzen ikasiko du.