Poemak pluralean
Egilea: Fernando Pessoa
Argitaletxea: Denonartean
Itzultzailea: Iñigo Roque Eguzkitza
«Izan zaitez plurala, unibertsoa bezala» zioen Fernando Pessoak, eta halakoxea izan zen haren unibertsoa: ahots ugarikoa (heteronimoak), kontraesanez betea (iritzi-anabasa), duda-mudazkoa (egonezina).
Liburu honetan, poesia heteronimo nahiz ortonimoaren bilduma xume bat apailatu dugu, pluraltasun horren erakusgarri. Antologia behar bezala hornitzeko, egileari buruzko sarrera bat eta zenbait gutun erantsi ditugu, irakurlea noragabe ibil ez dadin ahapaldizko labirintoan.
«Oraindik etortzeko den belaunaldi batekoa nauzue» idatzi zuen Pessoak, igarri ezinik belaunaldi batekoa barik belaunaldi sail batekoa izango zela.