Zuhaitz zaharrenaren heriotza
Egilea: Josu Galdos
Argitaletxea: Desclée
Eguzkiaren lehen izpiekin esnatu zen. Begiak ireki eta txundituta gelditu zen, hori zen hori edertasuna; zuhaitzak, zerua, haizea… Dena bizi-bizirik zegoen, lurraren indarra bere barruan sentitzen zuen, indar itzela. Denbora eta espazioa desagertu egin ziren, eta ikusten zuen oro ez zegoen ez kanpoan ez barruan, baina berak bere baitan sentitzen zuen. Bera ere indar izugarri haren erdian sentitzen zen, bizitzan guztiz murgilduta, eta inoiz baino esnatuago eta argiago.
—Orain ulertzen dut –esan zuen neskak barre ttiki batekin.
Erraiak harrotzeko bederatzi ipuin biltzen dira liburu honetan. Mendiaren misterioa, lurraren indarra eta basoaren magian murgilduko gara etorkizun handiko idazle gazte honen eskutik.
Josu Galdos
Irunen jaio zen dela 31 urte eta lanbidez lorezaina da gaur egun. Oso gaztetatik idatzi izan ditu ipuitxoak, olerkiak edo gogoetak. “Zuhaitz zaharrenaren heriotza” da argitaratu duen lehen liburuxka.